Die NPorts Niederlassung Norden stellt sich vor.

Wi in Nörden

In Oostfreesland gifft dat neet blot dat platte Land. de Waddensee un de Oostfreeske Eilannen, all dat, wat de Urlaubers so geern hebben. Nee, daar gifft dat ok de moje Stee van NPorts in Nörden. Bi Sünnschien in d’ Sömmer word nett so fast togrepen as bi Störm un Regen in Harvst un Winter. ’n stieve Brise haut uns over d’ Duum peilt 100 Kolleginnen un Kollegen un de sowat fiev Uttobillenden so gau neet ut de Socken.

In de Stadt Nörden sitt uns Verwalten mit de Ofdelens Technik, Immobilien, Personaal & Administration, Koopmanns Angelegenheiden un de Boversten van de Stee Nörden. An uns Stejen in Nörddiek, Nördernee un Bensersiel hebben wi Bauhoffen, waar to ‘n groten Deel Handwarkers hör Fliet doon. De Stejen Baltrum, Bensersiel, Langeoog, Nörddiek, Nördernee un Wangerooge worden van uns Schippsmeldestejen versörgt. Uns Struktur is dezentraal, daarum mutt vör Oord alls akkraat plaant worden: Is de Handwarker eerstmaal up Baltrum un hett sien Warktüüg vergeten, kannst disse Arbeidsdag ofschrieven!

NPorts Niederlassung Norden - Standortkarte

Dat tekent uns Team in Nörden besünners ut: Se laten sük dör nix so licht van de Padd ofbrengen, un se hebben heel vööl Humor. Wenn Ji tolle Kolleginnen un Kollegen söken, denn is nett hier de rechte Stee - dat Mitnanner word in Nörden groot schreven. ‘t gifft ‘n Footballmannskupp un ‘n Bowlingmannskupp, un bi d’ Nationalsport Boßeln liggen wi Nörders bi de jahrlike NPorts- Weddstriedveranstalten dörgahnsweg up de vörste Platzen.
Elke Jahr in d’ Sömmer veranstalten wi ‘n Sömmerfest, un in d’ Dezembermaant gifft dat ‘n grote Wiehnachtsfier för all, dat wi womögelk noch mehr tosamenhollen. Un ‘n gemeensaam Koppke Oostfresentee dürt in de Fröhstückspause heel un dall neet fehlen.

NPorts Niederlassung Norden Teamfoto

Van wegen Oostfresen hebben minn Humor: Uns Nörder Kolleginnen un Kollegen bewiesen dat Tegendeel.

Arbeiden bi NPorts

hier geiht dat to uns aktuelle freje Stejen, de wi anbeden.

Personaal-Ofdelen

Karl-Heinz Iwwerks

Leiter Personal / Administration Norden

Niedersachsen Ports GmbH & Co. KG
Niederlassung Norden
Bahnhofstraße 5
26506 Norden

T:+49 (4931) 1804 - 310
bewerbung-norden(at)nports.de

Uns Nörden

De Stadt Nörden kann up ‘n lange Histoorje torüggkieken, se is de ollste un veertgrootste Stadt in Oostfreesland. An bekennsten is de Stadtdeel Nörden-Nörddiek, daar leggen de Fähren na de Eilannen Juist un Nördernee of. Nörddiek is al siet 1979 as Noordseebad anerkennt un höört to de grootsten Seeheilbaden an de Noordseeküste. Blot ‘n lüttje Anmarken: In Nörden word platt proot, man keen Bang - de Oostfresen sünd weltopen un verstahn, wenn se wilen, ok Hoogdüüts.
Wenn de Arbeid daan is, an ‘t Weltkulturarvdeel Waddensee anlang keiern, ‘n friske Brise geneten, of entspannen un even kieken gahn up de Diek.

Daar warken, waar annern Urlaub maken! Waar wachten Ji noch up? Klick doch even dör uns Angeboden an freje Stejen un koom an Boord!

Freeitied / Kultur

Nörden, dat is neet blot de See. De Stadt hett vööl Flair, un büddt ‘n hele Antahl an Saken, de ‘t Ankieken weert sünd, so de grootste Marktplatz in Europa, waar Bomen up stahn of dat Oostfreeske Teemuseum. De echte Oostfresentee proberen, dat höört eenfach daarto, un neet verkehrt is ‘t, maal bi en oostfreeske Teezeremonie bi to wesen. En Rezept för de echte Oostfresentee un ‘n heel Bült mehr Tipps för Touristen un Neeibörgers finnen Ji up de Websied van Nörddiek.
Sück maal dör de Ludgerikark föhren to laten - ok de steiht stuuv an de Marktplatz - un denn en Örgelkunzert, dat is ‘n besünner Beleevnis! De Örgel is baut in de Tied 1686/87 un 1691/92. van de benöömde Arp Schnitger un eenfach ‘n Kunstwark - bi ‘t Ankieken un Anhören.

För Kinner un Minsken, de up Avertüren ut sünd, is dat hier spannend: So gifft ‘t in Nörddiek unner annern en Seehundstation, dat Beleevnisbad Ocean Wave, en Aventürengolfplatz uf en Kinnerspöölhuus.

Riep för ‘t Eiland? Waar wachten Ji noch up? Gau up de Fähre!
In de Tied van 55 Menüten fahrt de na Nördernee, in 90 Menüten na Juist!

Kinneruppass / Utbillen

Kinneruppass
In Nörden gifft dat upstünns 15 Stejen, waar de Kinner over Dag blieven. In de Ferien gifft ‘t attraktive Ferienprogrammen. Up de Sied van de Stadt Nörden finnen Ji daarto wiedergahnde Informationen.

Scholen
In Nörden gifft dat 12 verscheden Scholen, daarvan ‘n Riege Grundscholen un wiederföhrende Scholen. Mehr Information finnen Ji up de Sieden van de Stadt Nörden.

Verkehrsanbinnen

Nörden liggt an wiedsten in d’ Noordwesten van all Steden up ‘t faste Land. To de nahsten groterde Steden, Emden un Auerk bruukt een mit ‘t Auto over de Bundesstraten B72 un B 210 anto 40 Menüten.

Mit de Zug fahrt een haast bit in ‘t Water. To uns Bauhoff Nörddiek gelangen Ji an besten, wenn Ji utstiegen an de Bahnhoff Nörddirk-Mole. Van daar geiht dat denn mit de Fähre futt wieder up de Eilannen. Mehr over de Fährverkehr finnen Ji up de Sieden van de Reederee Norden-Frisia.

Van Nörddiek ut flegen ok de „Inselflegers” na Juist. De nahsten internationale Fleeghavens sünd in good twee Stünnen mit ‘t Auto to berecken un liggen in Bremen un in Groningen (Nederland).

Uns Stee in Nörden